Collection: Limchungbung

🌄 लिम्चुङबुङ — सुन्दरता, सम्भावना र सन्देशको गाउँ

पूर्वी नेपालको उदयपुर जिल्लाको उत्तरी भेगमा, मदन भण्डारी लोकमार्गको सोलमारी चोकबाट ३४ किलोमिटर टाढा, हिमालको काखमा बसेको एउटा अनुपम र शान्त गाउँपालिका हो — लिम्चुङबुङ। पवित्र सुनकोशी नदीको कलकल बगिरहेको स्वर, नजिकैको हिन्दू, बौद्ध र किराँत धर्मको त्रिधाम हलेसीको तीर्थ, अनि साँस्कृतिक र प्राकृतिक विविधताले भरिएको यो ठाउँ आज नयाँ पर्यटन गन्तव्यको रुपमा अघि बढ्दैछ।

यहाँबाट तराईदेखि हलेसीसम्म पुग्ने छोटो धार्मिक मार्ग निर्माण भइरहेकाले लिम्चुङबुङ धार्मिक र सांस्कृतिक पर्यटनका लागि थप आकर्षक बन्दै गएको छ। विविध जातजाती, भाषा, संस्कार, र जैविक सम्पदाले भरिपूर्ण यो गाउँलाई हामीले ‘प्रकृति, कृषि र संस्कृति’लाई आधार बनाएर आत्मनिर्भर र समृद्ध बनाउने अभियान थालेका छौं।

🏞️ पर्यटकीय सम्भावनाको केन्द्र

लिम्चुङबुङमा निर्माण भइरहेका पर्यटकीय स्थलहरू — "प्रेम प्रस्ताव टावर", "लिम्चुङबुङ संग्रहालय", "सफलता पाउने ठाउँ", "संस्कृति पार्क", "शान्ती पार्क", "शहिद स्मृति पार्क" — यी सबैले यहाँको पहिचान झल्काउँछ। एभरेष्ट भ्यु टपबाट सूर्योदय-सूर्यास्तसँगै सगरमाथा, लोत्से, चोयु, मकालु, कञ्चनजंघा जस्ता ८,००० मिटर भन्दा माथिका हिमशृंखलाहरू एउटै दृश्यमा देख्न सकिने अनुपम अनुभव लिन सकिन्छ।

वसन्त ऋतुमा लालीगुराँसले रंगिएको डाँडो, गर्मीमा शितल जलवायुको अनुभव, हिमाल हेर्ने मौसममा पर्यटकहरूको आगमन — यी सबैले लिम्चुङबुङलाई ‘खुसी पाउने ठाउँ’, ‘सफलता भेटिने ठाउँ’, र ‘शान्ति मिल्ने ठाउँ’को रुपमा चिनाउँदै लगेको छ।

📊 तथ्याङ्क र उद्देश्य

• क्षेत्रफल: १०६.८ वर्ग किलोमिटर
• जनसंख्या: ११,९९२
• दृष्टिकोण: कृषि र पर्यटनको माध्यमबाट गाउँमै व्यापार र रोजगारी सिर्जना गर्दै, लिम्चुङबुङलाई आत्मनिर्भर र समृद्ध बनाउने।

🌐 लिम्चुङबुङ ब्रान्ड अभियान

हामीले लिम्चुङबुङलाई विश्व सामु चिनाउनको लागि ‘LIMCHUNGBUNG’ नामको ब्रान्ड स्थापना गरेका छौं — जुन केवल एउटा नाम होइन, यो हाम्रो माटो, पहिचान र सम्भावनाको प्रतिनिधित्व हो।

🙏 हार्दिक अपिल
हाम्रो उत्पादनहरू (जस्तै: टिसर्ट, क्याप, झोला आदि) किन्नुहोस्, प्रयोग गर्नुहोस् र संसारभर लिम्चुङबुङको सन्देश फैलाउनुहोस्। तपाईंको साथ र सहयोगले यो ब्रान्ड मात्र होइन, हाम्रो गाउँ, हाम्रो देशको पर्यटन र अर्थतन्त्रमा ठुलो योगदान पुग्नेछ।

⛰️ लिम्चुङबुङ रमाइलो छ — हेर्न अवश्य आउनुहोस्!
लिम्चुङबुङबाट उठेको आवाज, अब विश्वभर गुञ्जियोस्।

🔗 डोमिन नाम — एउटा ऐतिहासिक अवसर

हाम्रो लागि Limchungbung.com डोमिन पाउनु एउटा ऐतिहासिक अवसर हो। यस्ता डोमिनहरु पाउन गाह्रो हुन्छ, र पाइएपनि ठूलो रकम खर्च गर्नुपर्छ। उदाहरणको लागि, इलन मस्कले २०१४ मा Tesla.com डोमिन ११ मिलियन डलरमा किन्नुभयो। उनले २००३ देखि नै टेस्ला कम्पनी सञ्चालन गरिरहेका थिए, तर डोमिन उनीसँग थिएन। अन्ततः, उनले ठूलो रकम खर्च गरेर यसलाई किन्नु पर्यो।

हामी पनि चाहन्छौं कि Limchungbung एउटा विश्वसनीय ब्रान्ड बनोस्, जसले नेपाल अनी हामी सम्पूर्ण  नेपाली समुदायको गौरव बढाओस्। 

यदि कसैलाई  यस डोमिनको आवश्यकता छ भने, हामिलाई प्रस्ताब राख्न सक्नुहुनेछ । 

हामीलाई तपाईंको साथ चाहिन्छ

हामी विश्वास गर्छौं कि तपाईंहरु हाम्रो सपनालाई साकार पार्न हामीलाई साथ दिनुहुनेछ। तपाईंहरू बीना  हामी पानीबिनाको माछा जस्तै हुनेछौं। यदि तपाईंले  हाम्रो यो प्रयासलाई सहयोग गर्न चाहनुहुन्छ भने, हामीसँग जोडिन  सक्नुहुनेछ ।   

Limchungbung एउटा ब्रान्ड मात्र होइन, यो हाम्रो पहिचान हो, हाम्रो गर्व हो। आउनुहोस्, यसलाई संगै हातेमालो गर्दै अगाडी बढाउ । 

हाम्रो अपील:

वर्तमानमा हामी धेरै वेबसाइटहरूको व्यवस्थापन गरिरहेका छौं, जसको कारणले गर्दा Limchungbung.com को लागि छुट्टै स्टोर खोल्न सम्भव भएको छैन। भविष्यमा,  Limchungbung.com का लागि छुट्टै ई-कमर्स प्लेटफर्म सुरु गर्ने योजना छ। तर, अहिलेको लागि तपाईंले हाम्रो मुख्य स्टोर realkirat.com मार्फत अर्डर गर्न सक्नुहुनेछ।